දැනගෙන හිටියේ ඇමරිකාව විතරයිලු -
ඒකට තුර්කියෙන් ගැහුවේ කොහොමද ?
පසුගියදා රුසියානු ප්‍රහාරක ජෙට් යානයක් තුර්කිය විසින් බිමහෙළිමත් සමඟින් බොහෝ පිරිසක් ඒ පිළිබඳව කතාබහ කරන්නට වූයේ රුසියාව තරම් ප්‍රබල රටකට මෙවන් ප්‍රහාරයක් එල්ලකරන්නට තරම් තුර්කිය ඉක්මන් වූයේ ඇයිද යන ප්‍රශ්නය ඉදිරියට තබමිනුයි. එම ප්‍රහාරයෙන් පසුව වාර්තාවූයේ රුසියානු යානය තුර්කි දේශසීමාවන් පසුකර රට තුලට ඇතුලු වූ නිසාවෙන් මෙම ප්‍රහාරය එල්ල කළ බවයි.
කෙසේ නමුත් සිරියානු දේශ සීමා ආසන්නයේදී තුර්කිය බිම හෙලූ තම ගුවන් යානය හඳුනාගත නොහැකි වූ බවට තුර්කි රජය කරන ප්‍රකාශ රුසියානු ජනාධිපති ව්ලැදිමිර් පුටින් ප්‍රතික්ෂේප කළා. යානයේ ගමන් මග තුර්කියේ හිතවතෙකු වන ඇමෙරිකාවට දැනුම්දී තිබූ බවයි ඔහු කියා සිටියේ.
යානය තුර්කි ගුවන් සීමාවට ඇතුළු වූ බවට කරන ප්‍රකාශ ද බිම හෙලූ යානයේ සිටි දිවි ගලවා ගත් රුසියානු නියමුවා ප්‍රතික්ෂේප කර තිබෙනවා.
එස් යූ 24 රුසියානු ප්‍රහාරක යානය පහසුවෙන් හඳුනා ගැනීමට හැකි බවයි රුසියානු ජනාධිපතිවරයා අවධාරණය කළේ. එය ඇමරිකානු ගුවන් යානයක් වී නම් මේ ආකාරයේ ප්‍රතිචාරයක් දක්වන්නේ දැයි ජනාධිපති පුටින් තුර්කියෙන් ප්‍රශ්න කර සිටියා.
Post a Comment