බෝම්බකාරිය ඉදිරියේ දිවිපිදූ
‘‘ඩීසල්‘‘ බැල්ලගේ අවසන් මොහොත - Photos
ප්‍රංශයට පසුගියදා එල්ලවූ ත්‍රස්ත ප්‍රහාරයත් සමඟින් රටපුරා ආරක්ෂාව තරකළ අතර ඒ අනුව ඊයේ (18) දිනයේ ප්‍රහාරයට සම්බන්ධ බව කියන පුද්ගලයින් සොයා එරට ආරක්ෂක අංශ මෙහෙයුමක් දියත්කළා.
ත්‍රස්තවාදීන් සිටිනා ස්ථානය සොයාගෙන ඔවුන් අටවා තිබූ මරඋගුල් හඳුනාගෙන තිබුණේ ‘‘ඩීසල්‘‘ නම් වූ අතිදක්ෂ බැල්ලක් විසිනුයි. බෙල්ජියම් ශෙපර්ඩ් වර්ගයට අයත් මෙම බැල්ල සිද්ධියට අදාල කාන්තාවක් සැඟව සිටියදී ඇයගේ දෙසට ගමන්කර ඇත්තේ ඉවෙන් ඇයව අල්ලා ගැනීම සඳහා ආරක්ෂකයින්ට උදව් කිරීමටයි.
කෙසේ නමුත් නොසිතූ අවස්ථාවක කාන්තාව විසින් බෝම්බයක් පුපුරාගෙන දිවිනසාගන්නට කටයුතු කර ඇති අතර එයට මැදිවූ බැල්ල අවාසනාවන්ත ලෙසින් මියගොස් තිබෙනවා. ඒ බෝම්බය පුපුරාගත් අවස්ථාවේ එයින් විසිවී ගිය කැබලි ඇගේ වැදීම නිසා ඇතිවූ බරපතල තුවාල නිසාවෙනුයි.
මෙම මරාගෙන මැරෙන බෝම්බ ප්‍රහාරය කාන්තාව එල්ල කරන්නට තැත්කර ඇත්තේ ආරක්ෂක අංශ ඉලක්කරගෙන බවට විදෙස් ආරංචි මාර්ග තොරතුරු වාර්තා කරන අතර ඩීසල් නම් බැල්ල ඉවෙන් ඇයව සොයාගෙන යෑම නිසාවෙන් බෝම්බය පුපරාගැනීමට ඇයට සිදුව ඇති බවටද වාර්තා වෙනවා.
ප්‍රංශ පොලිසියේ මෙතෙක් සිටි අතිදක්ෂම බැල්ල ලෙසට ඩීසල් සැලකෙන අතර මෙලෙස සිය දිවි පුදා ත්‍රස්තවාදීන්ගෙන් රට බේරාගැනීමට කටයුතු කිරීම ගෞරවයට කාරණයක් බවයි එරට පොලිසිය සඳහන් කර ඇත්තේ.
Post a Comment