ලයිසන් දෙන හින්දා මාරක අනතුරු
වැඩිවෙලා
රියදුරු පුහුණු පාසල්වලින් අල්ලස් ලබාගෙන වාහන පැදවීමේ හැකියාවක් නැති පුද්ගලයන්ට රියදුරු බලපත්‍ර නිකුත් කිරීමට මෝටර් රථ රියදුරු පරීක්ෂකවරුන් ක්‍රියා කිරීම නිසා මාරක අනතුරු වැඩි වී ඇති බව අල්ලස් කොමිසමේ කොසාරිස්වරයා පවසා තිබෙනවා.
බොහෝ මෝටර් රථ රියදුරු පරීක්ෂකවරුන් මුදලට යටවීම නිසා වාහන පැදවිය නොහැකි රියදුරන් විශාල පිරිසක්‌ රියදුරු බලපත්‍ර ලබාගෙන ඇති බවද ඔහු පවසනවා.
ඔහු මේ බව පවසා තිබුණේ මෝටර් රථ රියෑදුරු පරීක්‌ෂකවරයකුට රුපියල් පන්දහසක අල්ලස් මුදලක්‌ ලබාදීමට ගිය රියදුරු පාසලක හිමිකරුවකු අල්ලස් කොමිසම මගින් අත්අඩංගුවට ගැනීමෙන් අනතුරුවයි.
කොටහේන ප්‍රදේශයේ මෝටර් රථ රියදුරු පාසලක හිමිකරුවකු පසුගිය 12 වැනිදා වේරහැර මෝටර් රථ ප්‍රවාහන කොමසාරිස්‌ කාර්යාල භූමියේදී මෝටර් රථ රියදුරු පරීක්‌ෂකවරයකුට රුපියල් පන්දහසක අල්ලස් මුදලක්‌ ලබා දීමට උත්සාහ කරද්දී එහි සිටි අල්ලස් කොමිසමේ නිලධාරීන් විසින් එම ඔහු අත්අඩංගුවට ගෙන තිබුණා.
Post a Comment