සිරුර කාටත් හොරෙන් කාඩ්බෝඩ් පෙට්ටියෙන්
ගෙදර අරන් ගිය පියෙකුගේ සෙනෙහස
පෙට්ටියේ මොනවද ඇහුවම තේ කුඩු කියලා
ලේ කිරි කරලා පොවපු තමන්ගේ අම්මා තාත්තා මේ ලෝකේ දාලා ගියාම ඒ අයගේ මිනිය ගෙදරටවත් ගෙන්නේ නැතිව කුලියට මල්ශාලාවක තියෙන සමහර දරුවෝ මේ ලෝකේ ඉන්නවා. හැබැයි කවදාවත් තමන්ගේ දරුවට පණ වගේ ආදරේ කරපු අම්මා කෙනෙක් තාත්තා කෙනෙක් මොන හේතුවක් නිසාවත් දරුවෙක් මේ ලෝකේ දාලා ගියාම ඒ වගේ දෙයක් කරන්නේ නෑ.
ලේ කිරි කරලා පොවපු තමන්ගේ අම්මා තාත්තා මේ ලෝකේ දාලා ගියාම ඒ අයගේ මිනිය ගෙදරටවත් ගෙන්නේ නැතිව කුලියට මල්ශාලාවක තියෙන සමහර දරුවෝ මේ ලෝකේ ඉන්නවා. හැබැයි කවදාවත් තමන්ගේ දරුවට පණ වගේ ආදරේ කරපු අම්මා කෙනෙක් තාත්තා කෙනෙක් මොන හේතුවක් නිසාවත් දරුවෙක් මේ ලෝකේ දාලා ගියාම ඒ වගේ දෙයක් කරන්නේ නෑ.
ඒ විදියට තමන්ට මොනතරම් ආර්ථික අපහසුතා තිබ්බත් පුතාගේ මිනිය ඉස්පිරිතාලේ දාලා එන්නේ නැතිව ඒ මළසිරුර පෙට්ටියක දාලා කාටත් හොරෙන් ගෙදරට ගෙනාපු තාත්තා කෙනෙක් ගැන අපිට ආරංචි වුණා. ඒ ගම්පොල ප්‍රදේශයෙන්. ඔහු මේ විදියට හොරෙන් මිනිය ගෙනාවේ මල්ශාලාවක වාහනයකට දෙන්න සල්ලි නැති නිසා.
තේ කුඩු රැගෙන යන මුවාවෙන් තමයි මේ තාත්තා කාඩ්බෝඩ් පෙට්ටියක දාපු පුතාගේ මිනිය කුලී ත්‍රිරෝද රියකින් ගෙනිහින් තිබුණේ. කොහොම වුනත් ඒ කාඩ්බෝඩ් පෙට්ටියේ තියෙන්නේ තේ කුඩු නෙවෙයි බිලිඳු මළ සිරුරක්‌ බව දැනගත්ත රියදුරා කලබලයටත් භීතියටත් පත්වෙලා තියෙනවා. පස්සේ මේ ගැන ආරවුලක් ඇති කරගෙන ගම්පොල පුපුරැස්‌ස පොලිස්‌ මුරපළේදි නිලධාරීන් ඇවිත් මේ ප්‍රශ්නය සමථයකට පත්කරලා තියෙනවා.
ඊට පස්සේ පුපුරැස්‌ස පොලිස්‌ පොලිසිය සිද්ධිය සම්බන්ධයෙන් සිදු කරපු පරීක්‍ෂණයට අනුව අනාවරණය වෙලා තියෙන්නේ මේ වගේ දෙයක්. පුස්‌සැල්ලාව ඩෙල්ටාවත්ත පදිංචි දින 45 ක්‌ වයසැති කුඩා බිලිඳෙක් තමයි අසනීප වීම නිසා මේ විදියට පන්විලතැන්න රෝහලට ගෙනවිත් පස්සේ ගම්පොල රෝහලට ඇතුළත් කරලා තියෙන්නේ.
ඒත් දරුවාගේ රෝගය උත්සන්න වීම නිසා එහිදී දරුවා මියගිහින් තියෙනවා. පශ්චාත් මරණ පරීක්‍ෂණය ගම්පොල රෝහලේදී සිදු කරලා නිව්මෝනියාව තත්ත්වයෙන් පෙණහලුවලට සිදුවූ බලපෑමෙන් දරුවා මියගොස්‌ ඇති බව අනාවරණය වෙලා තියෙනවා. ඒ අනුව එම මළ සිරුර නිවසට රැගෙන යන්න තාත්තාට අවසර ලැබිලා.
කොහොම වුනත් ආර්ථික වශයෙන් ඉතා අසරණ තත්ත්වයට පත්ව දිළින්දකු වූ මෙම පියාට දරුවා නිවසට රැගෙන යෑම විශාල ගැටලුවක්‌ වෙලා තියෙනවා. මල් ශාලා රථයක ගණන් ඇසූ ඔහුට එය ගෙවා ගැනීම කෙසේවත් කළ නොහැකි බව තේරිලා තියෙනවා.
ඒ නිසා ඔහු දන්නා ත්‍රිරෝද රථයක්‌ කතා කර තම කුඩා දරුවාගේ සිරුර කාඩ්බෝඩ් පෙට්ටියක බහා එය ඔඩොක්‌කුවේ තබාගෙන ගමට ඒමට පිටත් වෙලා.
ඒත් කහවත්ත ප්‍රදේශයේදී ඒ ත්‍රිරෝද රථය අනතුරකට ලක්‌වීම නිසා ඉතිරි දුර ඔහුට යාමට නොහැකිව සිටියදී මාර්ගයේ ගමන් කරපු වෙනත් ත්‍රිරෝද රථයක්‌ කුලියට කතාකරගෙන පෙට්‌ටිය ද එහි තබාගෙන තාත්තා ආයෙත් ගමන පිටත්වෙලා තියෙනවා.
කාඩ්බෝඩ් පෙට්ටියේ මොනවා දැයි ත්‍රිරෝද රථයේ රියෑදුරු ඇසූ විට පුද්ගලයා කියලා තියෙන්නේ තේ කුඩු කියලා. මේ අතරේ ත්‍රිරෝද රථය පුපුරැස්‌ස පන්විලතැන්න පහු කරමින් තිබියදී රියෑදුරුට දුරකථන ඇමතුමක්‌ දුන් ඔහුගේ හිතවතක් කියලා තියෙන්නේ කාඩ්බෝඩ් පෙට්ටියේ මිනියක්‌ රැගෙන යනවා කියලා. එය ඇසූ රියෑදුරුට උන්හිටි තැන් අමතක වී වහාම ත්‍රිරෝද රථය නවතා ඒ බව පසුපස සිටි පුද්ගලයාගෙන් අහලා.
පස්සේ පෙට්ටියේ තියෙන්නේ මළ සිරුරක්‌ බව මෙම පුද්ගලයා පිළිඅරන්. ඊට පස්සේ තමයි දෙදෙනා අතර මේ ආරවුල ඇතිවෙලා තියෙන්නේ. කොහොම වුනත් නීත්‍යනුකූල ලෙස පිළිගත් මරණයක්‌ නිසාත් පුද්ගලයාගේ දුප්පත් බව නිසාත් මේ අයුරින් නිවසට රැගෙන යාමට උත්සාහ ගෙන ඇති බව පස්සේ අනාවරණය වෙලා.
මේ ගැන රියෑදුරුට අවබෝධ කරලා සිද්ධිය සමථයකට පත් කළාට පස්සේ අදාළ පුද්ගලයා තම දරුවාගේ සිරුර සහිත කාඩ්බෝඩ් පෙට්‌ටිය දන්නා අයකුගේ යතුරුපැදියෙන් නිවසට අරන් ගිහින්.
නමුත් මෙම සිද්ධිය ප්‍රදේශය පුරා පැතිර ගිහින් තිබ්බේ දරුවකු මරා කාඩ්බෝඩ් පෙට්ටියක දමා සැඟවීමට ත්‍රිරෝද රථයෙන් රැගෙන යද්දී පොලිසියට අසුවූ බවලු. ඇත්ත දැනගත්තට පස්සේ මිනිස්සු කියලා තියෙන්නේ මැරුණු දරුවා විසිකරලා යන සමහරු ඉන්න මේ රටේ තාත්තා කරපු වැඩේ අගය කරන්න ඕනි කියලා.
Post a Comment