ගහකට නැගපු පුද්ගලයෙකුට
ගහේ හිටපු නයෙක් ගහලා මියගිහින්
සමහර මිනිස්සුන්ගේ මාරයා කොයි වෙලාවේ තමන්ව හොයාගෙන එයිද කියලා විශ්වාස නෑ, මේ කියන්න යන්තෙත් ඒ වගේ කතාවක්... ඉන්දියාවේ තමිල්නාඩු ප්‍රාන්තයේ වනගත ප්‍රදේශයකදී වන අලි ප්‍රහාරයකින් බේරීම සඳහා ගසකට නැගි පුද්ගලයකු නාග දෂ්ඨණයකින් මරණයට පත්ව තිබෙනවා.
පසුගිය දිනෙක පස්වරුවේ මෙලෙස මියගොස් ඇත්තේ ගම්මානය ආසන්නයේ කැලයක දර එක්රැස් කිරීම සඳහා ගොස් පැමිණෙමින් සිටි තුන්දෙනෙක් අතරින් අයෙක් බව සඳහන්.
දර රැගෙන පැමිණෙමින් සිටි මෙම පිරිස පසුපස වන අලියකු එලවා තිබෙනවා. එම සත්වයාගෙන් බේරීම සඳහා මෙම පුද්ගලයන් තුන්දෙනා දිවගොස් ඇති අතර එක් අයෙක් ගසකට නැග ඇති බවටයි හෙළිවී ඇත්තේ.
එම පුද්ගලයා ගසට නගිනු නොදුටු අනෙක් දෙදෙනා ගමට පැමිණ ප්‍රදේශවාසීන් පිරිසක් සමග ගොස් සොයා බැලුව ද ඔහු හමුවී නැහැ. පසුව වන සංරක්ෂණ නිලධාරීන්ට සහ පොලිසියට කල දැනුම්දීමකින් පසුව කල සෝදිසියකදී ගසක් මත තිබියදී මෙම පුද්ගලයාගේ සිරුර හමුවී තිබෙනවා.
ඔහුගේ සිරුරේ නාගයකු දෂ්ඨ කල ලකුණු පවතින බවයි ඉන්දීය පුවත් සේවාවල දැක්වෙන්නේ.
Post a Comment