Mysteriously Disappeared: BODY of 8-year-old MISSING BOY found on the banks of the MENIK RIVER in Demodaramulla
මැණික් ගඟේ පාවෙමින් තිබියදී
හමුවෙයි - වීඩියෝ
ගෙදර අය දින 4ක් හොයලත් හම්බවෙලා නෑ
කුඩා දරුවන් අතුරුදන් වීම සම්බන්ධයෙන් පසුගිය කාලය පුරාම දවයිනේ විවිධ ප්‍රදේශවලින් තොරතුරු වාර්තා වුණා. එලෙස දින 4 ක් තිස්සේ අතුරුදන්ව සිටි බුත්තල - ගෝනගංආර ප්‍රදේශයේ 8 හැවිරිදි දරුවාගේ මළසිරුර ඊයේ සොයා ගැනුණා. ඒ, ගෝනගංආර ප්‍රදේශයෙන් ගලාබසින මැණික් ගඟේ පාවෙමින් තිබියදීයි.
සුපුන් පුෂ්පකුමාර නැමති මෙම පිරිමි ළමයා මීට දින 4 කට පෙර මව සමඟ පියා වැඩකරමින් සිටි කුඹුර වෙත ගොස් ඇති අතර, මව නැවත නිවසට පැමිණ ඇත්තේ ඔහු පියා සමඟ කුඹුරේ සිටියදියි.
පසුව තමාද නිවසට යන බව පියාට සඳහන් කළ මෙම පිරිමි ළමයා එම ස්ථානයෙන් පිටත්ව ගොස් තිබුණා. එහෙත් පසුව ඔහු පිළිබඳ තොරතුරක් නොලැබුණු නිසා ගෝනගංආර පොලීසිය සහ ප්‍රදේශවාසීන් සෝදිසි මෙහෙයුම් ආරම්භ කළා.
මේ පිළිබඳ පරීක්ෂණ ක්‍රියාත්මක කළ පොලිසිය දරුවාගේ සිරුර සොයා ගත්තේ නිවසට කිලෝමීටර් 2 ක් පමණ දුරින් ගලාබසින මැණික් ගඟේ පාවෙමින් තිබියදීයි. පොලිස් මාධ්‍ය ප්‍රකාශක සහකාර පොලිස් අධිකාරී රුවන් ගුණසේකර මහතා සදහන් කළේ එම දරුවාගේ මරණය සම්බන්ධයෙන් විමර්ශනයක් ආරම්භ කර ඇති බවයි.
සිද්ධිය සම්බන්ධයෙන් අදහස් දැක්වූ පියා සඳහන් කර සිටියේ තමන් දරුවා නිවසට පැමිණියාද යන වග බැලීමට පැමිණියත් ඔහු නිවසේ නොසිටි බැවින් රෑ එළිවන තුරු දරුවා සම්බන්දයෙන් සොයා බැලූ බවයි. එහෙත් කිසිදු තොරතුරක් සොයාගැනීමට ඔවුනට නොහැකි වී තිබෙනවා.
Source - gossip.hirufm.lk
Post a Comment