අත්අඩංගුවට 28 දක්වා රිමාන්ඩ්
සේයා ඝාතනයට ලක්ව ඇත්තේ රෑ 11.30 ට විතරලු
‘‘පුතා නිර්දෝෂයි" - සිසුවාගේ මව කියයි
පසුගිය සතිය පුරාම රටපුරා ආන්දෝලනාත්මකව කතාබහට ලක්වූ සේයා සදෙව්මි දැරියගේ ඝාතනය සම්බන්ධයෙන් සැකපිට දෙදෙනෙකු මේ වන විට අත්අඩංගුවට ගෙන තිබෙනවා. එමෙන්ම සදෙව්මි දැරිය ඝාතනයට ලක්ව ඇත්තේ සිරුර හමුවීමට පෙරදා රාත්‍රී 11.30ට පමණ බවට වෛද්‍යවරු නිගමනය කරඇති බවට ආරංචි මාර්ග පවසනවා.
දැරිය අතුරුදන් වූ බව පැවසෙන දිනයේ පස්වරු 6.30ට පමණ ඇය ආහාරගත් බව සඳහන් වන අතර දැරියගේ ආමාශයේ බත් කටක ප්‍රමාණයක් ඉතිරිව තිබූ බව වෛද්‍යවරු නිරීක්ෂණය කර ඇතැයි පැවසෙනවා.
දරුවකුගේ ආහාර දිරවීමට පැය 5ක් - 6ක් පමණ ගතවෙන බව වෛද්‍යවරු පවසන අතර ඒ අනුව සේයා සදෙව්මිගේ මරණය රාත්‍රී 11.30ට පමණ සිදුවූ බවට නිගමනය කර ඇතැයි වාර්තාවෙනවා.
සේයා සදෙව්මි දැරිය ඝාතනය කිරීමේ සිද්ධිය සම්බන්ධයෙන් සැකපිට අත්අඩංගුවට ගත් දෙදෙනා මේ මස 28 වනදා දක්වා රක්ෂිත බන්ධනාගාර ගත කර තිබෙනවා. ඒ ඔවුන් අද (19) මිනුවන්ගොඩ මහේස්ත්‍රාත් ඩී.ඒ රුවන් පතිරණ හමුවට ඉදිරිපත් කිරීමෙන් අනතුරුවයි. අවුරුදු 17වන පාසැල් සිසුවාගේ පරිඝණකය පරීක්ෂා කිරීමේදී එහිතිබී අසැබි වීඩියෝ විශාල ප්‍රමාණයක් හමුවූ බවටද පසුගියදා වාර්තා වුණා.
ඊයේ රාත්‍රියේ පොලිස් අත්අඩංගුවට පත් වූ සැකකරුවන් දෙදෙනා සේයා සදෙව්මි දැරියගේ නිවස ආසන්නයේම පදිංචිකරුවන්. මොවුන් දෙදෙනාම පොලිස් බාරයේ රඳවාගෙන ප්‍රශ්න කෙරූ අය බවයි වැඩිදුරටත් වාර්තා වන්නේ.
මේ පිළිබඳව සම්පූර්ණ වීඩියෝව පහතින්....
Hiru
Post a Comment