වෙඩි තියන බව රිසිට් එකේ ලියලා
හොරකමට සම්බන්ධ වෛද්‍ය සිසුවෙක්ලු
පානදුර ප්රදේශයේ පෞද්ගලික බැංකුවක අයකැමිවරියක් බියට පත්කර මුදල් කොල්ලකා පළාගිය පුද්ගලයෙකු අත්අඩංගුවට ගැනීමට පොලීස් නිලධාරියකු සමත් වුණා. අදාල පුද්ගලයා කොල්ලකාගත් මුදල රුපියල් ලක්ෂ 5 ක්.
පානදුර ප්රදේශයේ බැංකුවක් වෙත පස්වරු 5.30 ට පමණ පැමිණ ඇති පුද්ගලයකු එහි අයකැමිවරියක් වෙත මුදල් තැන්පත් කිරීමේ රිසිට් පතක් ඉදිරිපත් කරා. අදාල රිසිට් පතේ ඔහු සටහන් කර තිබුණේ - 'මා සතුව ගිනි අවියක් තිබෙනවා.. මම ඔබට වෙඩි තබනවා... සියලු මුදල් දෙන්න.. ඔබ අනතුරු ඇගවීමේ සංඥා ක්‍රියාත්මක කළහොත් මම වෙඩි තබනවා.." යනුවෙන්.
කෙසේ වෙතත් මෙලෙස පැහැරගත් රුපියල් ලක්ෂ 5ක මුදල සමග පලාගිය පුද්ගලයා බැංකුව ආසන්නයේ සේවයේ යෙදී සිටි පානදුර පොලීසියේ නිලධාරියෙකු අත්අඩංගුවට ගැනීමට සමත්වී තිබෙනවා.
මෙලෙස අත්අඩංගුවට පත් පුද්ගලයා කොළඹ, මාලිගාවත්ත ප්රදේශයේ පදිංචි 24 හැවිරිදි තරුණයෙක්.
පොලීසිය පැවසුවේ ඔහු සතුව ගිනි අවියක් නොතිබූ අතර මෙම තරුණයා මොස්කව් විශ්ව විද්‍යාලයේ වෛද්‍ය විද්‍යාව හදාරා 2011 වසරේ මෙරටට පැමිණ ඇති බවද ප්‍රශ්නකිරීම් වලදී අනාවරණය වූ බවයි.
කොල්ලකරු - පානදුර අධිකරණයට ඉදිරිපත් කිරීමෙන් පසුව දින 7ක් පොලීසියේ රඳවාගෙන ප්‍රශ්න කිරීමට අවසර ලබාගෙන තිබෙනවා.
Post a Comment